Å soffe

Det slo meg i dag etter frukost. Eg har teke i bruk eit verb som ikkje finst.

Å soffe - soffar - soffa - har soffa

Det har truleg kome inn i mitt vokabular for å korte ned " å liggje på sofaen". Eg kjenner meg nøgd med det nye verbet, og kjem på ingen måte til å jobbe for å fjerne det. Eg er faktisk så raus at eg kan dele det med andre, og den som vil kan ta det til seg!

Sofaaktivitet nr. 4

Online shopping

Ein glimrande sofaaktivitet, men som uheldigvis tærer på økonomien. Det er heilt utruleg å sjå alt ein kan få tak i utan å lee meir enn ein finger eller to. No har eg ei ekstra last – eg har høve til å bestille varer til Sverige (EU-land).
Her er noko av det eg har skaffa meg medan eg har lege på sofaen som eit slakt, truleg i ei lurvete joggebukse og ein mjuk genser, og med glinsande munnvikar etter alt det gode eg har stappa i meg.
-pc
-telefon
-klede av ymse slag
-stolar
-bilstereo
-kaffetraktar
-bøker
-div julegåver
-sko
-lampe
-brytarar
-stikkontakter
-tapet
-golvteppe
-cdar
-dvdar
-flybillettar
-garn

Ei lita lenkjesamling med nettbutikkar der ein kan finne ymse godbitar.
www.restplass.no
www.sas.no
www.cdon.com
www.norwegian.no
www.reisefeber.no
www.elkjop.no
www.villaeuropa.no
www.antonsport.no
www.oslosportslager.no
www.stadium.se
www.junkyard.se
www.bratt.no
www.haugenbok.no
www.bokkilden.no
www.tanum.no
www.ullmansmattor.se
www.garnstudio.com
www.ebay.no
www.komplett.no
www.raffaello-network.com
www.gotogate.no
www.fabricsandpapers.co.uk
www.wovenground.co.uk
www.kitchn.no
www.urverket.no
www.ikea.no
www.ellos.no (bra utval av både trenings- og slyeklede)

Det fine med netthandel er at du slepp å gi nokon eit ansikt. Det er ikkje pinleg når der ikkje er dekning på kontoen. Du får berre ein enkel beskjed på skjermen om at kjøpet ikkje er godkjend, og du kan hoste ut av deg eit lite «faen» og heller leite deg fram til noko mindre kostbart.

Sofalivet held fram.

Kva er poenget med helg når ein vert sjuk? Jau, ein kan kjenne kroppen flyte ut og dekkje ei stor flate møbelstoff utan at ein sit att med dårleg samvit. Helsa sviktar, men sofaen sviktar ALDRI! Han har tek vare på meg i tjukt og tynt. Min draum er å ha ein magisk sofa som ein kan ha i lomma, men som utvidar seg til full storleik når ein tek han ut.

Her kjem nokre døme på situasjonar der draumesofaen hadde vore kjekk:
- Ved gaten på flyplassar
- Vente på hjelp på postkontoret
- Vente på taxi på Stranda
- I kø i banken
- På polet lillejulaften
-Tentamensvakt på jobb
- Ute på byen ein dag der er fullt
- PÅ KURS (!!!!!!!!!!!!!!!!!!!!!!!!!!!!!)
- PÅ LEGEKONTORET
- Vente på hjelp - uansett offentleg etat
- Som publikum i hallen eller på konsert.

Blogg - ein aktivitet for sofaslyer!

I heile min barndom drøymde eg om å ha ein underjordisk idrettshall i kjellaren, men no har det byrja å gå opp for meg at dette kan bli noko problematisk å få til. Den siste tida har eg difor tenkt ein del på kva for aktivitetar og hobbyar som passar for meg, og det eg er ute etter er aktivitetar med sofaen som arena. Eg har innsett at prøving og feiling er eit "must", og eg skal skrive litt om desse forsøka.

Aktivitet 1: Baking
+ ofte gode resultat
+ tida går fort
+ rom for kreativitet og eksperiment
+ bra for andre enn meg sjølv
+ relativt billeg
+ resultatet kan nytast på sofaen
- auka kaloriinntak
- oppvask
- for langt frå sofaen
- må planleggast
- blir fort lei

Oppsummering: Dette er ein aktivitet som eg likar, men som ikkje passar meg i lengda. Dersom eg held på litt for lenge får eg kjensla av husarbeid, og det HATAR eg!

Aktivitet 2: Teikning
Her slepp eg å liste opp pluss og minus. Eg har relativt god sjølvinnsikt, og VEIT at eg manglar talent i så stor grad at det ikkje er moro.


Aktivitet 3: Sing star

Denne aktivteten kan nok Johan gi ei betre skildring av. Eg får rett og slett ikkje lov til å kjøpe Playstation etter at han høyrde meg i jula. Eg synest det er fantastisk morosamt, sjølv om eg er minst like dårleg på song som på teikning. Det er ein utfordrande aktivitet med konkurranseelement, OG han kan gjennomførast som ein ekte sofaaktivitet. Særleg det siste er viktig.
Tips: Ikkje start med Abba Sing star dersom du skal overtyde andre om at dette er ein fin aktivitet. Start med nokre enkle songar (t.d. norske schlägers)ETTER at tilskodarane har drukke ei bra mengde vin.

Aktivtet 4 kjem i neste innlegg.